Karibu watu 15 hawajulikani waliko baada ya jumba la ghorofa saba kuporomoka usiku wa kuamkia Leo Jumanne Juni 13,2017, katika moja ya mitaa maarufu jijini Nairobi.

Shirika la msalaba mwekundu nchini Kenya, liliandika kwenye mtandao wa twitter kuwa makundi ya uokoaji yako eneo la TUKIO katika kijiji cha Kware Pipeline mtaa wa Embakasi.

Gazeti la Star nchini Kenya limeandika watu kadha waliokolewa kabla ya jumba hilo kuporomoka.

Walioshuhudia waliliambia gazeti hilo kuwa jumba hilo lilikuwa limeonyesha dalili baada ya nyufa kuonekana kwenye kuta zake.

Mratibu wa shughuli za uokoaji Pius Masai anasema kuwa zaidi ya watu 100 wanatambulika kuwa salama lakini akaongeza kuwa huenda watu wengi wamekwama kwenye kifusi.

Idara inayoshughulikia maafa inasema kuwa familia nyingi ziliondoka wakati ziliamriwa kabla ya jengo hilo halijaporomoka ambapo watu 121 waliondoka salama.

Vyombo vya habari vinasema kuwa baadhi ya watu walirudi tena ndani jengo hilo kuchukua mali yao wakatai liliporomoka.

Polisi wanasema kuwa hawafahamu ni watu wangapi ambao wamekwama ndani ya jengo lililopomoka.

Jumla ya watu 49 walifariki wakati jumba lingine liliporomoka kufuatia mvua kubwa mwezi Aprili mwaka huu.